Buwan ng Wikang Pambansa

Ang buwan ng Agosto ay nagsisilbing pagdiriwang ng WIkang Filipino ng mga kulay kayumanggi na naninirahan sa lupang unang sinisikatan ng araw tama ba ang aking pananagalog sa Land of the Rising Sun?. Bilang pagpupugay sa aking lahi at bansa, nararapat lamang na gumamit ako ng aking wika sa mga paksang isusulat ko sa buwan na ito. Inaamin ko, isa ako sa mga Pilipinong gustong maging dalubhasa sa paggamit ng wikang Ingles na nagdudulot ng hindi ko pagtangkilik ng husto sa aking kinagawiang wika. Hindi naman masamang gumamit ng Ingles ngunit tila nakakahiyang bagay naman na isa ka ngang Pilipinong dalubhasa sa wikang Ingles ngunit hindi perpekto sa wika ng lahi mo–ang wikang Filipino.

Sa aking pananaliksik, may natagpuan akong artikulo na nagsasaad ng mga pwede mong bilang ‘blogger’ maging paksa sa tatlumpu’t isang araw ng Buwan ng Wika. Sayang nga lang at hindi ko ito nasimulan, ngunit susubukan ko pa ring matugunan ang bawat katanungan–masagot ito gamit ang wikang Tagalog/Filipino.

Tatlumpu’t Isang Araw ng Pananagalog sa Tumblr.

Para sa Buwan ng Agosto, Buwan ng Wika.

Unang Araw – Ang paborito mong kulay (In Filipino)
Ikalawang Araw – Ang paborito mong pagkaing Pilipino
Ikatlong Araw – Ang paborito mong pagkaing kalye/’street food’
Ika-apat na araw – Ang paborito mong parke
Ika-limang araw – Ang paborito mong pasyalan
Ika-anim na araw – Ang pangalan ng iyong paaralan noong elementarya (In Filipino) + letrato
Ika-pitong araw – Ang pangalan ng iyong mataas na paaralan (In Filipino) + letrato
Ika-walong araw – Ang pangalan ng iyong kolehiyo (In Filipino) + letrato
Ika-siyam na araw – Ang paborito mong bayani
Ika-sampung araw – Ang paborito mong ‘pambansang _____’
Ika-labing isang araw – Alam mo pa ba ang lumang bersyon ng Panatang Makabayan?
Ika-labindalawang araw – Ang iyong kaarawan (In Filipino)
Ika-labintatlong araw – Letrato ng kamag-anak mong balikbayan
Ika-labing apat na araw – Letrato ng ‘Tito Boy’ o ‘Tita Baby’ mo
Ika-labinlimang araw – Ang paborito mong artistang lalaki
Ika-labing anim na araw – Ang paborito mong artistang babae
Ika-labimpitong araw – Ang paborito mong pelikulang Pilipino
Ika-labing walong araw – Ang paborito mong musikerong Pilipino
Ika-labing siyam na araw – Ang paborito mong manananghal
Ika-dalawampung araw – Ang paborito mong pamahiin
Ika-dalawampu’t isang araw – Ang paborito mong kasabihan/salawikain
Ika-dalawampu’t dalawang araw – Ang paborito mong lugar sa labas ng iyong siyudad
Ika-dalawampu’t tatlong araw – Ang paborito mong salitang Filipino (hal. nakakapagpabagabag)
Ika-dalawampu’t apat na araw – Ang paborito mong palabas sa ‘noontime’
Ika-dalawampu’t limang araw – Ang paborito mong teleserye
Ika-dalawampu’t anim na araw – Ang paborito mong manunulat na Pilipino
Ika-dalawampu’t pitong araw – Ang paborito mong aklat na sinulat ng Pilipino
Ika-dalawampu’t walong araw – Ang paborito mong kantang Pilipino
Ika-dalawampu’t siyam na araw – Ang paboritong letrato mo sa isang ‘landmark’ sa Pilipinas
Ika-tatlumpung araw – Kahit ano.
Ika-tatlumpu’t isang araw – Kahit ano.

Tama, sa Tumblr ko ito nakuha. At balak ko itong gawin dito sa WordPress.

Ang wikang Filipino ay sadyang napakalawak at napakaganda. Hindi ako tagahanga ni Marian Rivera at isa akong solid na Kapamilya ngunit Ang teleseryeng Amaya ay tila nagpapaalala kung gaano natin, bilang isang Pilipino, nalimutan ang kagandahan ng ating sariling wika sa pagtuon at paghahangad natin na maging tulad o kapantay ng mga naninirahan sa Kanluran. Ngayong Agosto, kahit papano, nawa’y maalala natin ang kultura at kinasanayan ng ating mga ninuno. At sana, hindi ito matapos sa buwang ito lamang–nawa’y mamulat tayo at magpatuloy sa pag-alala sa siksik at naguumapaw na kagandahan ng ating pagkaPilipino: wika, kultura at kasaysayan.

Ang hindi magmahal sa sariling wika ay higit pa sa amoy ng malansang isda.

–Jose Rizal Ang Pambansang Bayani

Pilipino, ika’y maging mapanuri kahit hindi ka nanunuod ng Matang Lawin. Tatlumpu’t isang araw ng pananagalog, maghanda na!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s