[Day 1 to 5] Ang Mga Paborito

Unang Araw – Ang paborito mong kulay (In Filipino)

Bilang isang batang babae kahit kalian ay hindi ko ginusto ang kulay Pink. Sa aking isip, madaming kababaihan ang nahuhumaling na sa kulay na ito at hindi ko gustong mapabilang sa kanila. Bata pa lamang, gusto ko na talagang maging kakaiba at ayoko ng lagi akong may kapareho, ayoko ng mga kaagaw sa bagay na gusto ko napakamaldita, hindi ba? Haha.. Nung ako ay tumuntong na sa pagiging hayskul, kulay Dilaw ang aking naging paboritong kulay dahil ito ay maliwanag at para sa akin ay simbolo ng pagbangon at pag-asa. Ngayong ako’y may trabaho na at nagkaroon ng malinaw na pagiisip at kailangan ng nag-iisip sa kulay? Ha! mas nagugustuhan ko ang kulay Kayumanggi Brown, Black at Silver. At wala na akong simbolong pinaniniwalaan sa mga kulay na iyon. Ang mga kulay na nagugustuhan ko ngayon ay may kinalaman sa aking pagguhit, pananamit o sa ano mang bagay. Tila mas masarap pa rin ang maging bata, ano?

Ikalawang Araw – Ang paborito mong pagkaing Pilipino

Napakahilig kong kumain at talagang paborito ko ang mga lutong Pinoy at luto ng aking Iloy  (o Nanay—natutunan ko yan sa Amaya). Ang pinakpaborito ko sa lahat ay ang Sinigang na Baka, sinusundan ng Nilagang Baka, Adobo, Pinakbet, Kare-kare, Monggo, Binagoongan, Tinola, Isdang may Gata, Manok na may Gata, Gulay na Gata at kung ano-ano pa. Lahat naman kase ng lutong Pinoy ay kinakain ko pagkat lahat ay pasok na pasok sa aking panlasa.

Ikatlong Araw – Ang paborito mong pagkaing kalye/’street food’

Isa yata sa pinakamagandang karanasan ang pagkain ng mga pagkaing kalye ng mga Pilipino. Sadyang napakarami ng bersyon ng mga pagkaing iyong nanaisin—may matamis, maalat, maasim, lahat na. Ang aking pinakpaborito sa lahat ay ang pagkain ng Kwek-kwek ito yung pugo na binalot sa kulay Orange na arina at Isaw ito naman ang intestine ng baboy o manok na piniprito o iniihaw.

Ika-apat na araw – Ang paborito mong parke

Hindi ako nagkaroon ng madaming karanasan sa pamamasyal sa mga parke. Wala kaseng mga simpleng parke sa aming lugar. Ang pinakmalaki at nakakaaliw na parkeng napuntahan ko yung may bayad ay yung Enchanted Kingdom. Isang beses pa lamang akong nakapunta doon at iyon ay nung nasa hayskul pa lamang ako kawawang bata.

Ika-limang araw – Ang paborito mong pasyalan

Ang totoo niyan, ngayon pa lamang ako nahihilig pumasyal at nagkakaroon ng kakayanan para makapamasyal. Hindi naman kase ako laking mayaman at sadyang isa akong taong-bahay. Para sa akin, hindi naman pasyalan, pero ang mga lugar na gusto ko laging pinupuntahan ay ang mga tahanan ng aking mga kaibigan o di kaya ang aming mga probinsya. Tahanan ng mga kaibigan: Kahit dun lamang kayo sa bahay ng yong kaibigan, tila napakarami niyong nagagawa at walang tigil ang inyong kwentuhan sa mga kakaiba at minsa’y wala talagang kwentang mga bagay pero nagdudulot ng masayang pakiramdam sa inyo dalawa tatlo, apat o higit pa. Probinsya: Sa La Union at Pampanga ay nagiging masaya dahil nadadalaw namin ang aming mga kamag-anak na wala sa Maynila dahil nasa probinsya nga at ang pagdalaw sa kanila ay panahon din ng isang mahabang pahinga.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s